අරමුණ

ශාස්ත්‍ර පීඨ විද්‍යාර්ථීන්ගේ නිර්මාණ කුසලතා වර්ධනය කිරීමේ හා එම නිර්මාණ වෙබ් අවකාශයේ සංරක්ෂණය කිරීමේ අරමුණින් ‘ඊ පන්හිඳ’ විද්‍යුතීක බිත්ති පුවත්පත පවත්වාගෙන යයි. ශාස්ත්‍ර පීඨයේ පීඨාධිපති, ජ්‍යෙෂ්ඨ මහාචාර්ය ලසන්ත මානවඩු මහතාගේ සංකල්පයකට අනුව ආරම්භ කළ මෙම වෙබ් අවකාශය විශ්වවිද්‍යාල විද්‍යාර්ථියකු සතු ව පැවතිය යුතු යැයි අපේක්ෂා කෙරෙන දැනුම, ආකල්ප හා කුසලතා අභිවර්ධනය කිරීමට ඉඩ ප්‍රස්තාව සලසනු ඇත.

Aim

‘E Panhida’ maintains an electronic wallpaper with the aim of developing the creative skills of the Faculty of Arts students and preserving those creations in the web space. Launched on the concept of Senior Professor Lasantha Manawadu, Dean of the Faculty of Arts, this web space will provide an opportunity for a university student to develop the knowledge, attitudes and skills they are expected to possess.

සිතන්නට යමක්...

ලියන්ට බැරි වීම නිසා මිනිසාගේ ශේෂ්ඨ සිතිවිලි හා කීම් කොතෙකුත් අපතේ යන්ට ඇත. ඔහු විසින් ලියා රැක තිබෙන සුළු දෙයිනුත් ඒ බව වටහාගත හැකි ය අද දහසක් දෙනා කියවන්නේ එක් කෙනකු සිතාපු, කියාපු දෙයකි. ඒ එක් කෙනා විසින් මෙන් ම අනික් දහසක් දෙනා විසිනුත් සිතන කියන ලද දේ ඇත. එහෙත් ඔවුන්ට ඒ කිසිවක් ලිය නොහැකි විය. ඒ නිසා ඔවුන්ගේ සිතිවිලිවලින් හා කීම්වලින් ලෝකයාට සැලසුණු ලාභය අඩු විය.‘

‘අදහසක් ලියන්නා ලෝකයේ නායකයෙකි, හෙවත් ලෝකයා යම්කිසි මගක ගමන් කරවන්නෙකි. මෙසේ සෙස්සන්ට මග පෙන්වීම පොදුවේ කාහටත් කළ හැකි වැඩක් නොවේ. එහෙත් ලේඛකයාට එය කළ හැකි ය, එහෙයින් ම ඔහුගේ තත්ත්වය උසස් ය.’

බඹරැන්දේ සිරි සීවලි මාහිමි – ලියන කලාව