ශ්‍රී ලංකා සංඥා භාෂාව පිළිබඳ මූලික සහතික පත්‍ර පාඨමාලාව

ඉලක්ක කණ්ඩායම: සාමාන්‍ය පෙළ විභාගයට සාර්ථකව මුහුණ දුන් ඕනෑම කෙනෙකුට පාඨමාලාව සඳහා ඉල්ලුම් කළ හැකිය.

කාල සීමාව: සති 25 යි

පාඨමාලා විස්තරය:

පාඨමාලා අන්තර්ගතය

බිහිරි පුද්ගලයන්ගේ සන්නිවේදන මාධ්‍ය වනුයේ සංඥා භාෂාවයි. සාමාන්‍ය ජනතාව, බිහිරි පුද්ගලයන් සමඟ   කටයුතු කිරීමේ දී සංඥා භාෂාව පිළිබද දැනුමක් ඔවුනට නොමැති බැවින්, බිහිරි පුද්ගලයින්ගේ අවශ්‍යයතාවන් නිවැරදිව හදුනාගැනීමට නොහැකි වේ. 2012 ජන හා සංඛ්‍යාලේඛන දෙපාර්තමේන්තුවේ සංගණනයන්ට අනුව ශ්‍රී ලංකාවේ පුර්ණ බිහිරි‍ ප්‍රජාව 389,077ක් වන අතර,අර්ධ බිහිරි ප්‍රජාව 157,211ක් වේ. මෙම පිරිස විවිධ අවශ්‍යතා සම්පුර්ණ කර ගැනීමට ආයතන සමඟ  සන්නිවේදනයේදී මහත් වු අපහසුතාවයන්ට පත් වේ. එමනිසා අදාල ආයතනවල නිලධාරින්ට සංඥා භාෂාව පිළිබදව නිපුණතාවන් ලබාදීම කාලීන අවශ්‍යතාවකි.

මෙම පාඨමාලාව මගින් සංඥා භාෂාව පිළිබද මුලික නිපුණතාව ලබා ගැනීමට අවස්ථාව ලැබෙන අතර, බිහිරි පුද්ගලයන් සමඟ  කටයුතු කිරීමට එය මහත් රුකුලක් වනු ඇත.

  • සංඥා භාෂාවේ ඉතිහාසය, එහි විකාශනය හා බිහිරි ප්‍රජාවගේ සංස්කෘතිය පිළිබඳව දැනුම ලබාදීම.

  • තමා හා සිය පවුලේ සාමාජිකයන් සඳහා  භාවිතා කරන සංඥා නාම හඳුන්වාදීම.

  • ඉලක්කම්, සංඛ්‍යා, මිනුම් ක්‍රම හා කාල භේදය පිළිබඳව සංඥා භාෂාවේ නිපුනතාවක් ලබාදීම.

  • සංඥා භාෂාවෙන් සිංහල අක්ෂර මාලාව හඳුන්වාදීම.

  • සංඥා භාෂාවෙන් ඉංග්‍රීසි අක්ෂර මාලාව හඳුන්වාදීම.

  • සිංහල වචන සංඥා භාෂාවෙන් හඳුන්වාදීම.

  • ශ්‍රීලංකාවේ පරිපාලන බෙදීම් හා ලෝකයේ රටවල් සංඥා භාෂාවන් හඳුන්වාදීම.

  • සංඥා භාෂාවෙන් ශ්‍රී ලංකාවේ විවිධ ජාතීන් ආගම් ආහාරපාන ඇදුම් හා උපකරණ හඳුන්වාදීම.

  • රාජ්‍යය ආයතන පොදු ස්ථාන හා විවිධ වෘත්තීන් ට අදාල සංඥා වචන පිළිබඳව දැනුම ලබාදීම.

  • සංඥා භාෂාවෙන් විවිධ ශාක හා සත්ත්ව වර්ග හඳුන්වාදීම.

  • සංඥා භාෂාවෙන් අදහස් හුවමාරුව ප්‍රගුණ කිරීම.

  • පරිවර්තන මුලධර්ම හා ආචාරධර්ම හදුනා ගනිමින් සංඥා භාෂා පරිවර්තකයෙකු ලෙස පුහුණු කිරීම.

  • සංඥා භාෂා පරිවර්තකයෙකු ලෙස බිහිරි පුද්ගලයන්සමග ප්‍රායෝගිකව සන්නිවේදනය කිරීම.

 

 අවසන් ලිඛිත විභාගයට පෙනී සිටීම සඳහා මූලික අවශතා

  • පැවරුම් හා ප්‍රායෝගික පරීක්‍ෂණ සඳහා ඉදිරිපත් වී ලකුණු ලබා ගැනීම අනිවාර්ය ය.

  • 80% පැමිණීමක් සහිත අපේක්‍ෂකයන් පමණක් අවසන් ලිඛිත විභාගයට පෙනී සිටීමට සුදුසුකම් ලබයි.


අධ්‍යයන අවසාන ඇගයීම

  • ලිඛිත හා ප්‍රායෝගික පරීක්ෂණවලින් යුතුය.

  • ලිඛිත පරීක්ෂණය කොටස් දෙකකින් සමන්විතවේ.

    • පළමු කොටස අනිවාර්ය වේ. එය බහුවරණ ප්‍රශ්නවලින් සමන්විතවේ.

    • දෙවන කොටස ප්‍රශ්න 06කින් සමන්විතවේ. එයින්තෝරාගත් ප්‍රශ්න 04කට පිළිතුරු සැපයිය යුතුය.

    • මෙම ලිඛිත විභාගය සඳහා සිසුන්ට පැය 02 කාලයක් ලබාදෙනු ලැ‍බේ.

    • ඇගයීම් ක්‍රියාපටිපාටිය


ප්‍රායෝගික පරීක්ෂණය ඇගයීම් ක්‍රියාපටිපාටිය


සහතික ප්‍රදානය

ප්‍රායෝගික පරීක්ෂණ හා ලිඛිත පරීක්ෂණ යන පරීක්ෂණ 02ටම 45% වඩා ලකුණු ලබා ගන්නා පාඨමාලා ලාභීන් හට කොළඹ විශ්වවිද්‍යාලය මඟින් අදාළ සහතික පත්‍රය ප්‍රදානය කෙරේ.


පාඨමාලා ගාස්තුව:   රුපියල් 25,000/- (වාරික දෙකකින් ගෙවා නිමකළ හැක.)


ඔබ පාඨමාලාවට සම්බන්ධ වීමට කැමති නම් පහත සබැඳිය භාවිතා කර 2022 මැයි 18 ට පෙර ලියාපදිංචි වන්න.

 

click here to register